Ajansa dewletê ya Îranê IRNA’yê piştrast kir ku Wezîrê Karên Derve Abbas Eraqcî dê îro biçe Îslamabadê. Ev serdan wekî hewildanek ji bo vejandina têkiliyên dîplomatîk di bin sîbera şerê bi DYA û Îsraîlê re tê dîtin.
Ajansa nûçeyan a fermî ya Îranê IRNA’yê ragihand ku Wezîrê Karên Derve Abbas Eraqcî dê ber bi Îslamabadê ve bi rê bikeve. Hate diyarkirin ku serdan, hevdîtinên di çarçoveya şerê bi DYA û Îsraîlê re berdewam dike li xwe digire.
Li gorî ajansê, Eraqcî di çarçoveya tûra herêmî ya ku dê êvara înê dest pê bike de, ji bilî Îslamabadê dê serdana Maskat û Moskowê jî bike. Hate îfadekirin ku armanca van têkiliyan nirxandina geşedanên li herêmê û şêwirên dualî ne.
HEVDÎTINA BI DYA'YÊ RE NE DİYAR E
Hîn ne zelal e ka Eraqcî di hevdîtinên ku tê payîn li Îslamabadê pêk werin de dê bi rayedarên Amerîkayê re bicive an na.
Paytexta Pakistanê amadehiyê dike ku mazovaniya gera duyemîn a hevdîtinên di navbera Washington û Tehranê de bike. Pakistan ku di demên dawî de bi rola xwe ya navbeynkariyê derdikeve pêş, hewl dide muzakereyên di navbera Îran û DYA’yê de ji nû ve bide destpêkirin. Hevdîtinên ku dihat payîn serê heftiyê li Îslamabadê pêk werin, piştî ku gera yekem a 11ê Nîsanê bêencam ma, hatibûn taloqkirin.
Bi meraq tê payîn ka ev serdana nû dê pêvajoya dîplomatîk a asê mayî ji nû ve bide destpêkirin an na.
